Përafrimi i rajonit me tregun e vetëm të BE-së dhe thellimi i integrimit ekonomik rajonal janë dy shtyllat e para të Planit të Komisionit Evropian për Ballkanin Perëndimor për vitin 2023, të prezantuara nga Kryetarja e Komisionit Evropian, E.S. Znj. Ursula von der Leyen, në Forumin GLOBSEC 2023 në Bratisllavë më datë 31 maj 2023.
Fuqia transformuese e integrimit evropian është temë shumëdimensionale me interesa të mëdha politike dhe me hulumtime të gjera. Temat kryesore përfshijnë thellimin e integrimit tregtar dhe financiar, integrimin institucional, si dhe konvergjencën reale drejt ekonomive më të avancuara evropiane. Si të përshpejtohet integrimi tregtar dhe financiar i rajonit me Evropën? Cilat janë sfidat kryesore në përforcimin e bazave dhe qeverisjes së mirë? Si të shfrytëzohen në mënyrë të dobishme komplementaritetet dhe sinergjitë e reformave institucionale dhe strukturore?

Politika ekonomike ka ruajtur mjedisin e qëndrueshëm makroekonomik si bazë për dinamikën e rritjes afariste. Ajo që tani u nevojitet vendeve të Ballkanit Perëndimor është një seri reformash delikate dhe të ndërlidhura që krijojnë ekonomi tregu të fuqishme, ekonomi që krijon vende të reja pune, promovon ndryshime strukturore dhe krijon biznese të reja. Kjo do të sigurojë fleksibilitetin dhe elasticitetin e tregjeve për të pasur sukses në tregjet ndërkombëtare dhe për t’u përshtatur me sfidat e anëtarësimit në BE.
Ripërtrirja e tregjeve si dhe përshpejtimi i reformave institucionale do të krijonin mjedis të favorshëm për prosperitetin ekonomik. Institucionet financiare ndërkombëtare, janë gjithashtu, thellësisht të përfshira në promovimin e projekteve zhvillimore ekologjike dhe shoqërore të qëndrueshme/stabile për të mbështetur konkurrencën dhe qëndrueshmërinë e ekonomive të Ballkanit Perëndimor. Cilat janë sfidat kryesore për politikëbërësit në krijimin e mjedisit të favorshëm për rritjen dhe promovimin e prosperitetit ekonomik?

Interaksioni ndëmjet gjeopolitikës, krijimit të politikave dhe financave ndikon në mënyrë të konsiderueshme mbi perspektivat e integrimit evropian. Dinamika e fuqisë dhe nismave rajonale krijojnë politikat dhe rregullativat që qeveritë i zbatojnë. Në këtë kontekst, diplomacia ka rëndësi thelbësore në ruajtjen e unitetit dhe promovimin e qëllimeve dhe vlerave të përbashkëta duke zgjidhur çështjet politike, ekonomike dhe juridike, me qëllim të sigurimit të integrimit të pandërprerë të vendeve anëtare të reja të BE-së, në lehtësimin e koordinimit të politikave ndërmje vendeve anëtare dhe vendeve kandidate, si dhe në ruajtjen e paqes në kontinentin evropian. Cilat janë implikimet kryesore lidhur me zhvillimet mbi bazat financiare dhe makroekonomike? Si diplomacia dhe krijimi i politikave mund ta maksimizojnë zhvillimin e financave?

Integracioni evropian dhe rajonal ndikojnë fuqishëm mbi vendimet dhe punën e kompanive afariste. Identifikimi dhe përfshirja e mundësive të reja afariste – përmes ideve të ndryshme, zgjidhja e çështjeve të reja, tejkalimi i ndarjeve dhe përforcimi i bashkëpunimit rajonal – është me rëndësi vitale për thellimin e integrimit në BE. Cilat janë përfitimet kryesore dhe sfidat për kompanitë afariste? Cilat zhvillime globale do të ndikojë fuqishëm mbi kompanitë afariste? Cilat janë mundësitë e pashfrytëzuara në rrugën drejt anëtarësimit në BE?